الاسم: mohammad omar

زهزهة...!

07 نيسان, 2008

مدونتي صارت ثقيلة دم كثير، كل شي فيها جدي زيادة عن اللزوم، اليوم راح اطلع عن الموضوع شوي وانشر مجموعة نكت وصلتني على الايميل من ريم واياد....

 * تاجر مخدرات حمصي راح يخطب عروس سألوه شو بتشتغل ؟

قالهم 'فنيي تـكـيـيـيـيـيـف'

* واحد حمصي سهران هو ومرتو قالتلو قلي شي يحسسني اني مرتك ...

قال: انتي طالق

* سالوا سائق مين المطربين المفضلين عندك ؟؟؟

قال : مايكل داتسون ، مازدا الرومي ، اسكودا الشمالي

* محشش سال صاحبة المحشش الثاني : شو اخبار ابوك ؟؟

بعدين تذكر انو ابوه ميت فكمل وبسرعة .. بعدة بنفس المقبرة ؟؟؟؟؟

* قال في اثنين حماصنة واحد منهم وقع في خزان المي . ركض الثاني عالحنفيه ليستناه.

* مرة كان في واحد حمصي بالسجن قلو السجان في إلك زيارة من مرتك.

قالو الحمصي قله إنو أنا هربت.

 * ليش الحمصي لما يطلع برات حمص بصير ذكي..

لأنوه بصير خارج منطقة التغطية.

* حمصي احترق محله ، قالو له جيرانه بس ما تكون خسرت كتير.

 قال: لأ الحمد لله كنت عامل تخفيضات.

 * قال في حمصي ضيع مفاتيح سيارته قآم فتحولو ياها بالسيخ قام عمل نسخة عن السيخ.

* مرة واحد حمصي راح على لبنان, سأل الدكنجي :عندك لبنان بوو، قلو لا، طيب عندك بيروت بوو، قلو شو بيروت بوو و لبنان بوو.

 قلو الحمصي: كيف نحنا بالشام عنا شام بوووووو.

* واحد حشاش سأل شيخ : قلو صحيح الصلاة ما بتصير من دون وضوء ، قلو طبعا ..

قلو الحشاش : وشو رأيك بهلي جربها وظبطت..

* واحد بيسأل صاحبه : الهند بعيدة؟

قال: ما أعتقد لأن في هندي معانا في الشغل بيجي على بسكليت .

* واحد طالع من عند مدير الشركة معصب وكابسه معه ........ سأله زميله ....ليش معصب ؟؟؟؟..

قاله ترى المدير ازا ما سحب كلمته والله اقدم استقالتي..

قاله ليش شو قلك؟؟؟؟؟......

بقلي .......... استغنينا عن خدماتك.

مع الاعتذار للحماصنة، احسن بلاش ما يتهموني بالتجسس للطفايلة او الخلايلة او الصعايدة...

هاي مدونة لمجرد الزهزه على طريقة والدتي الله يرحمها ، كل ما نوت تضحك تقول " يا رب لا تواخذنا ، نوينا التزهزه"...

بواسطة mohomar 13:27 | ليست يوميات...! | تعليق(7) | الرابط الثابت