طيّب ممكن من فضلك تجاوبلي على سؤال واحد فقط
لماذا رأينا 5 رجال درك تضرب متظاهر حتى وقع ارضاً، ثم تابعوا عملية الضرب المبرح و الركل حتى عندما غاب الشاب عن الوعي تقريبا؟

Qwaider قويدر | 11/01/2009, 07:45 [ الرد ]

اعتقد يا اخ قويدر انه سؤالك جاوب عليه الاستاذ محمد عمر. واضح انه تحدث عن تجاوزات وعن اعتراف الدرك بهذه التجاوزات لكن هذه التدوينة كما فهمتها تركز على الصورة العامة. لكن هناك دائما من يصر على قراءة هذا الرجل بطريقة انتقائية.

جمال عبدالرحمن | 11/01/2009, 08:03 [ الرد ]

عزيزي محمد بالفعل شكرا جزيلا لهذا المقال. إقرأ مقالة هشام البستاني في الغد هذا اليوم وانتقاده للنشاط الذي حدث في ستاد عمان لأنه "قد فرغ الشوارع من الناس وحشرهم في مكان واحد" لتعرف أن الكثير من قادة تنظيمات مسيرة الرابية كانوا يبحثون فقط عن الإثارة الإعلامية وليس التضامن مع غزة، لأنه لا يوجد فارق ما بين التضامن في ستاد عمان وبشكل منظم وبدون الاعتداء على أحد وما بين التضامن في ارابية إلا محاولة إحداث حالة من الاستفزاز المتبادل بين الشرطة والمتظاهرين تساهم في حدوث مشاكل تلتقطها عدسات القنوات الفضائية. سوف تتلقى الكثير من الردود السلبية على هذا المقال لأنك تجرأت على تقديم وجهة نظر مختلفة وأقول أنها صحيحة تماما. لقد اعترف الدرك بالتجاوزات وسيقوم بالتحقيق ولكن هل يعترف أبطال التضامن التلفزيوني والحناجر بأخطائهم في التنظيم؟

باتر وردم | 11/01/2009, 08:48 [ الرد ]

طبعاً السيد باتر أتى بجزء من نص البستاني أفقده معناه الأصلي...لن أعلق لكني أدعو الجميع لقراءة مقال البستاني قبل قراءة هذا التعليق
مقال البستاني ومحمد عمر في سياق واحد...

محمد شلطف | 11/01/2009, 10:22 [ الرد ]

بنفس المقالة إنحكى عن "تجاوزات" المتظاهرين .. و هي الاقتباس " ظهر أمس، كنت أتواجد في الصف الاول لمظاهرة الرابية، وحاولت جاهداً مع بعض الاصدقاء النقابيين (كما يشهد البث المباشر للجزيرة) ولمدة اربعة ساعات متواصلة منع الاحتكاك بين المتظاهرين المتحمسين للوصول الى سفارة العدو في عمان وبين قوات مكافحة الشغب النوعية التي أُنشأت حديثاً وجهزت بأحدث التقنيات المستوردة من الولايات المتحدة، هذه القوات التي سميت "قوات الدرك" وصدر لها قانون خاص.

كان بامكان قوات الدرك الاستمرار في احتواء الموقف بطريقة "الدفع" التي كنا نستعملها بنجاح طوال اربع ساعات، ولكن لا، فالهراوات والدروع والتجهيزات الاخرى الهاي-تيك موجودة للاستعمال على ما يبدو، لا للركن جانبا ومحاولة اجتراح طرق احتواء لا عنفية كما يُفترض في بلد يحترم مواطنيه ويحفظ كراماتهم.

نعم، كانت هناك اساءات قليلة من المتظاهرين، فبين حين وآخر كانت زجاجة ماء أو حجر يلقى من بعيد، ولكن لم يكن ذلك الا حالات منفردة وبسيطة لم تشكل أي تهديد على الاطلاق لقوى مدججة بالدروع والخوذ. ولكن هل كان هذا مبرراً لقوات الامن للتعامل بأقصى ما تملك من العنف مع المتظاهرين؟
"

إذا ما بتعرف التحليل السياسي للمصطلحات والطرح فش داعي للانتقائية واللاموضوعية ..
عيب!!

أين الموضوعية والصدق؟ | 11/01/2009, 10:56 [ الرد ]

صديقي باتر اشكرك..
صديقي قويدر. كنت ذات يوم طالبا في الجامعة الاردنية، في اذار 1980 او 1979، تظاهرنا داخل اسوار الجامعة تعبيرا عن حقنا برفض اتفاقيات كامب ديفيد وتضامنا مع اهل فلسطين بيوم الارض مطالبين بعودة الاتحاد العام لطلبة الاردن، ولم نتجاوز ولم نعتد حتى على حراس امن الجامعة. فيها شي هذه.
قوات الامن والجيش اقتحمت الجامعة وكسرت عظام عشرات الطلبة وطاردت الاف الطلبة الاخرين على الجبل المقابل للجامعة قبل ان يتحول ، للاسف، الى عمارات اسمنتية.
ما حدث في جامعة اليرموك كان أسوأ..
المهم، تم استدعائي للمخابرات وضربت ضربا مبارحا اكثر من هذا الشاب الذي تتحدث عنه. لكن الفرق كان انني ضربت وعذبت بعيدا عن كاميرات الفضائيات. فصلت من المنحة الجامعية، يعني فصل من الجامعة. وفصل 20 طالبا فصلا نهائيا و 6 مدرسين. ومنعنا من دخول الجامعة بدون تفتيش وهويات. واعتقل عشرات الطلاب وحوكموا بسبب انتماءات لاحزاب سلمية.
ووقف استاذ جامعي اعتقد انه اسمه كان "هاني العمد" يصفنا بالمندسيين.
الان عشت لارى واروي عن ضابط امن يعتذر للناس...
اريد ان اكون ايجابيا وارى الايجابي، ان لم يكن لصالح البلد والناس فلصالح صحتي النفسية. وهذا لا يعني ان لا نطالب الامن والحكومة والملك بمزيد من الديمقراطية ولا يعني ان نسكت على التجاوزات...
بالمناسبة حينها نقل رئيس الجامعة الدكتور الدمث ناصر الدين الاسد الى مستشفى الجامعة لانه اصيب بنوبة قلبية خفيفية عندما شاهد تنكيل قوات الامن بالطلبة على الباب الرئيسي للجامعة...

اشكرك

صديقي جمال اشكرك...

محمد عمر | 11/01/2009, 08:59 [ الرد ]

اشكرك استاذ محمد على ردّك
من حقّنا جميعا ان نتمنى المزيد من مساحات التعبير و الحرّيات لأن الوضع السائد وضع لا بد من تغييره، خصوصا في ضوء العولمة، و لعلّه من الأشياء الإيجابية للعولمة.
لكن نعترف ان عمليّة الإعتذار شيء جديد و ايجابي، و لكن لا زلت احاول ان اجاوب نفسي و اعتذر مقدما على السلبية (عديتني الله يسامحك) لو لم يكن ابو هلالة هو المضروب. كنّا سمعنا عن الموضوع؟

Qwaider قويدر | 11/01/2009, 09:09 [ الرد ]

بالمناسبة يا صديقي، ما بثه راديو البلد يوم الجمعة من تجاوزات كان اكثر كثيرا مما تحدثت عنه في المثال وكان اكثر كثيرا من ما تعرض له مراسل القناة المذكورة. وكان زميلي في الاستديو والزميلة المتطوعة دانا جبريل يواجهون الناطق باسم الدرك بشهادات مباشرة من المتظاهرين الذين تعرضوا للضرب وعن رفض قوات الدرك احضار اسعافات للناس في بعض الاحيان، وكان ابو حماد يستمع ويرد. لكن مزمار الحي لا يطرب للاسف...اتمنى لو زملائي بعمان نت يضعوا تسجيلا لهذه الحوارات على موقعهم...

محمد عمر | 11/01/2009, 09:21 [ الرد ]

بالطبع لا
و الدليل على ذللك ان العديد من المواطنون اللي انفشخ راسه واللي تكسرو ايدية و اجريه و ما حدا جاب سيرتهم.
ليش ... ببساطة . لا يوجد منبر يرفع رأيهم لأعلى.

محمد عبدالحميد | 13/01/2009, 11:51 [ الرد ]

نعم...ما يحدث في الأردن منذ أسبوعين يختلف عما كنا نراه سابقاً في المسيرات. لم يكن الأمن يتعامل مع المتظاهرين بهذه الطريقة التي تعد حضارية جداً إذا ما قورنت بالتاريخ القريب والبعيد. قبل سنتين وفي مسيرة في وسط البلد تضامناً مع لبنان هدد الأمن رؤساء المسيرة (معظمهم أمناءعامون للأحزاب) بحبسهم جميعاً اذا رفع علم غير علم الأردن بحجة وجود قانون يسمى قانون العلم وكان أن خرجت المسيرة بأعلام الأردن والأحزاب الأردنية فقط مع أننا نتضامن مع لبنان!!
ما يحدث الآن يتمنى الجميع أن يكون توجهاً عاماً لإعطاء المواطن المزيد من حرية التعبير لكن البعض لا يراه كذلك بل يراه محاولة لقوات الدرك التي باشرت عملها منذ أسبوعين أيضاً لأثبات أنها قادرة على إدارة المسيرات بطريقة مختلفة عمن سبقها إضافة إلى موقف رسمي يتوافق مع الشارع عما يحصل في غزة (بمعنى أنه يذكرنا جزئياً بمظاهرات حرب الخليج الثانية) لذلك نشاهد مثلاً موقفاً مختلفاً تماماً في مصر - مع الأخذ بعين الاعتبار اختلاف سقف الحرية أساساً - ويبقى الرهان على تطور الحالة إلى تغيير قانون الاجتماعات العامة دون أن نغفل قانون المطبوعات وانتخابات مجلس النواب.
اعتذر عن الاطالة والتشعب

محمد شلطف | 11/01/2009, 10:08 [ الرد ]

أؤيد بشده ما أشار اليه السيد باتر وردم تحدث استفزازات كثيرة من كلا الطرفين ولكن مشكلتنا في الاردن اننا نحكم فقط على جهة واحدة هل تعلم استاذ عمر ان احد اقاربي يعمل مع قوات الدرك التي تتكلم عنها منذ احداث غزة لم يرجع الى بيته ولم يرى ابنه الرضيع طوال تلك الفترة انا وهو لسنا ممتعظين بالعكس فهو مسرور لقيامه بواجبه الوطني ولكن وبدون مبالغة منذ بدء المظاهرات فلقد كان التركيز الاول والاخير الذي وجه اليهم كافراد درك من مسؤوليهم ان يتفادو الاستفزازات قدر الامكان وان يتحلوا بالصبر لاقصى درجة وصدقني هذا ما يحدث الا ان بعض المتظاهرين بيزيد العيار شوي وخاصة في اطلاق عبارات استفزازية.بالنسبة لي ما حدث ليس بالمبالغة في استخدام القوة بقدر ما كان السيطرة على الشحنة الزائدة لدى بعض المتظاهرين. سعيدة لانك قلت كلمة حق في هذا الوطن فصدقني نحن او على الاقل انا بالنهاية منه واليه.
شكرا لك

أخت متابعة | 11/01/2009, 10:13 [ الرد ]

ليه لازم نحزن أو نتعاطف مع قوات الدرك؟
عندك فكرة بأي شكل من الأشكال عن صلاحيات قريبك المخيفة في التعدي على كل حقوقك المواطنة والانسانية وكيف قر هادا القانون وكيف تجمعوا القوات؟

شو يعني ما شاف أبنه؟ ما اللي صلهم اسبوعين بالمخيم كمان ما شافو ولادهم... أحد المنظمين نقل من الخيمة اللي اعتصم فيها للمستشفى من الضرب اللي أكلو ولسه من 10 أيام ما شاف ابنه.

ليلى | 11/01/2009, 10:51 [ الرد ]

المشكلة انه بالنسبة لقناة الجزيرة اصبحت قضية الاعتداء على السيد ياسر ابو هلالةهي القضية الاساسية و ليست غزة او موقف الشعب الاردني المتعاطف مع اهل غزة و فلسطين, و لكن السؤال الذي اتمنى ان تجيبني عليه سيد محمد عمر هو اين قناة الجزيرة من الموقف السوري الذي سمح للمواطنين السوريين بشتم القادة و تحديدا الرئيس المصري محمد حسني مبارك, الا يعتبر هذا ايضا اعتداء, و لكن هم قناة الجزيرة للاسف كان ياسر ابو هلالة اكثر من اشياء اخرى كما حصل في دمشق في 8 كانون الثاني 2008.

نبيل | 11/01/2009, 10:35 [ الرد ]

التاريخ هو 8 كانون الثاني 2009 و ليس هو 8 كانون الثاني 2008

نبيل | 11/01/2009, 10:38 [ الرد ]

اعتقد لو لم تكن هناك تغطية اعلامية لكانت تصرفات الدرك اسوء صدقنى المتظاهرون فقط هم من ينجاوزون الحدود وليس الدرك لو وجدنا عدر لتجاوزات اخواننا فلمادا نلوم اعدائنا؟ هدا يعنى ام ماتقوم به اسرائيل شى عادي جدا

شخص | 11/01/2009, 10:39 [ الرد ]

كيف بلد ديمقراطي وحرية وتعبير وفي أصلا قانون قوات الدرك بالأساس. القانون والقوات تتنافى مع حقوق المواطنة إلك ولكل اللي عم يحكوا.
كيف ندافع عن حق قوات الدراك بالرد القانوني وتتباكى على حقها بالرد وهي بالأساس أداة قمع لا سياسية ولا مبررة بأي منطق سياسي حر وديمقراطي.

المقال مع اعتذاري جداً متملق بدون أي سبب. تتنافى فيه أبسط ملاجظات إدراك أن المظاهرات في الاردن دعمت لأسباب سياسية كثر فيها التحليل والقيل والقال وليست دليل بأي شكل من الأشكال على أننا نعيش ديمقراطية إلا إذ أردت إيهام نفسك.

لم يتباكى على ماحدث في الرابية إلا المعارضين على خروج الناس للشارع لفرض التغيير .. المتظاهرين والمعتصمين مستمرين بأنشطتهم رغم إصابتهم ورفع الدعاوي على اقوات الدرك الذي يتم الأن والشكوى لحقوق الانسان إجراء روتيني كي لا تهمش التجاوزات وأنا على يقين تام بأن المعتصمين رغم الإجرام الذي حصل يوم الجمعة سيستمروا بالنشاط والتفاعل ويتركون لحضرات المنطقيين المشجعين للديمقراطية ومحبي السلم الأهلي البكاء والوعيل على ال 859 شهيد وحال الاردن المأساوي في ظل المعاهدة

ليلى | 11/01/2009, 10:47 [ الرد ]

يبدو انه يا استاذ محمد اخطات في انك لم تتملق اصحاب الحناجر جماعة الظاهرة الصوتية. رجع اكتب عن غزة احسن ما بعد شوي يتهموك بالعمالة...

رندا | 11/01/2009, 11:03 [ الرد ]

لا الاستاذ محمد عمر ليس عميلا، حاشاه، لكنه جحش وبفكر حاله استاذ وبفهم...

عوني | 11/01/2009, 11:13 [ الرد ]

عمري ما اتفقت مع محمد عمر غير بشغلة وحدة، ما يسمى الرئيس الفلسطيني محمود عباس، وغالبا رأيه لا يعجبني، بس عمري ما حكيت عنو جحش، مع إني ما بعرفوا ولا بعرفني، عيب. محمد عمر مرات الواحد بيحتاج يشطبلو كمن تعليق ولا شو رأيك؟

هيثم السليمان | 11/01/2009, 19:40 [ الرد ]

المتظاهرون انبياء والدرك شياطين
قناة الجزيرة وبس والباقي خس
ياسر ابو هلالة بطل وشهداء غزة ارقام
قادة الاحزاب عباقرة وابطال وباقي الشعب غنم
يسقط محمد عمر

أياد احمد | 11/01/2009, 11:39 [ الرد ]

وشرفي انك مسكين ....
وشكلك من الناس الي ما بنعتب عليهم !

أبو يقظان | 11/01/2009, 12:09 [ الرد ]

مش عارف الي صار بالرابية حصل بكل مكان بالعالم ، والتجوزات موجودة وراح تضل موجودة ، بس الي صار ب 15 يوم الي فاتوا اشي كويس نسبيا وفي تقدم واضح ..
مع انه مش كافي بس كويس.

خالد السعود | 11/01/2009, 12:08 [ الرد ]

قصة العقيد زيدان...!
هل تعرفون قصة سلك العقيد زيدان؟
بعد انسحاب الجيش الإسرائيلي من سيناء، ودخول الجيش المصري. كان هناك عقيد في الجيش قائدا لحامية متقدمة على حدود طابا قبل أن تتسلم مصر طابا بقرار محكمة العدل العليا.
العقيد زيدان هذا قام بأمر جنوده بالتراجع مسافة كيلو متر كامل بعيدا عن طابا وقام بوضع سلك جديد، وهذا كان يعني حدودا جديدة. إسرائيل استغلت هذا الأمر واحتلت الكيلو متر الذي تراجع عنه جنود العقيد.
المهم...
أن الصحافة المصرية وقادة الأحزاب والنقابات شنت هجمة شديدة على العقيد زيدان هذا، وأرجو أن لا يكون هو نفسه العقيد الذي لا يفارق أستوديو الجزيرة، كمحلل وخبير عسكري لا يشق له غبار منذ بدء العدوان على غزة.
المهم أن هذه الصحافة والأحزاب شنت هجمة على العقيد وتهمته بالخائن الذي باع تراب الوطن الغالي لليهود والصهاينة.
المهم
تم استدعاء العقيد زيدان للتحقيق، وأجرت معه الصحف مقابلات لتقف على حقيقة الموقف. فتبين أن الرجل خاف على جنوده من "الفتنة" إذ انه كان يرى أن المجندات الإسرائيليات كن يتعمدن أن يجلسن قبالة الجنود المصريين عراة تحت الشمس وان بعضهن بدأ بمعاكسة الجنود الذين كانوا يردون التحية بأحسن منها. فخطر في باله أن يبعد جنوده عن الفتنة وعن الوقوع في حبائل اليهوديات.
هذه قصة حقيقية شغلت بال الرأي العام المصري والصحافة عام 1985 على ما اعتقد. خطر في بالي ان ارد فيها على بعض التعليقات...

محمد عمر | 11/01/2009, 12:34 [ الرد ]

للأسف سيد محمد عمر كل مقال أقرأه لك في الآونة الأخيرة -ما بعد مرحلة الاعتزال و الرجوع و التخبطات التي مرّت بها مدونتك الرائعة- و أنا أستغرب و أتعجّب كيف كنتُ أحب أفكارك و أحسّها تعبّر عن الشخص الحر المناضل الوطني المثقّف الواعي الذي لا يحصر نفسه بأيديولوجيات أو فلسفات محددّة، و لا ينتقد أو يجبر نفسه على كره أو التقليل و عدم احترام جماعة أو فئة معينّة لمجرّد أنها لا تتفق مع أفكاره سواء في مبادىء أساسية أو جزئيات بسيطة أو لمجرّد أنها ليست مفصّلة على دماغه، يعني كنت كالقدوة إن صح التعبير طبعاً أقصد في الأفكار السياسية و طبعا ً السياسية هي الجزء الأكبر من شخصيتنا و هويتنا كعرب بشكل عام و كفلسطينيين أو أردنيين من أصل فلسطيني بشكل خاص و هذا ليس اختيارنا، لكن للأسف يوم بعد يوم و مقال بعد مقال و الاحترام الذي يكنّه لك عقلي الباطني يقل.
من أكثر ما ضايقني -ولك أن تهتم أو لا تهتم بما أقول- هو عدم احترامك للمئات الذين يقرأون لك و يتأثرون بكلامك أو على الأقل يحبّون القراءة لك، لا أقول أنّ ما تكتبه يجب أن يوافق رأيي لأقبله و أحترمه، لا أبدا ً، لكن رأيك لا يجب أن يسيء لي و لرموزي، فانتقاداتك الأخيرة للإخوان و حتى الأحزاب التي تجري وراءها و تردد ما تقول رغم اختلافها معها -وهذا لم يحدث إلا نادرا ً فلكل هتافاته ولكن اجتماع في المظاهرة لزيادة العدد و لأن الداخلية لن تسمح لكل حزب أو جهة أن تطلع مظاهرة وقت ما تريد- هذه الانتقادت كانت موجهّة بتعميمات و كأنك لا ترى بأنه قد يكون من قرّاءك من هو يتبع أحد هذه الأحزاب، أيضا ً هنا أستغرب التناقض في كلامك في المقال أعلى عن الوحدة الوطنية من جميع النواحي و أنت تستكثر أن يقف و يلتقي الشيوعي مع الإسلامي لمجرّد هتاف لغزّة و المقاومة -الإسلامية- حماس ب 25 ألف مقاتل و 3 آلاف مقاتل لباقي الكتائب هذا في غزّة طبعا ً.
نقطة أخرى، تقليلك للسيّد حسن نصر الله متناسياً أنه حالياً يعتبر رمز المقاومة و ربّما القدوة و أهم شخصية لأكثر من 40 مليون عربي دون مبالغة، تتكّلم عن تهديداته و لماذا لم يتحّرك و كأنك تجهل الوضع في لبنان و في المنطقة حتى، فأيضا ً دفاعك عن مصر و اتهاماتك لسوريا و دول أخر بكثر الكلام و السماح بشتم النظام المصري و ما إلى ذلك و كأن من يخنق أهل غزة لا يحمل الجنسية المصرية، و تقارن بين مصر التي مكانتها تتجاوز ال75% من هذه الأمة غير المأسوف عليها و بين الأردن و سوريا و غيرها من الدول، على الأقل الأردن استفاد من سلامه مع إسرائيل بمتابعة النهضة و التطوّر من جميع النواحي و الأمن الذي نحسد عليه و قلّت نسبة البطالة و غيرها من الأمور- لا أقصد أن السلام هو سبب ذلك لكن أن الأمور تتحسّن في البلد على الأقل- بالمقابل مصر من كامب ديفيد زادت البطالة، كانوا يستوردوا 13 منتج الآن أكثر من 750 منتج يتم استيراده، التصدير قل، الإنتاج قل، الشعب وضعه من سيء لأسوأ، طائفية تزيد يوم بعد يوم، كل البلد حشيش، رشاوي، العشوائية ووووو غيره من الأمور التي لا يمكن حصرها، باختصار مصر: هي فوضى! بعد أن كانت رمز العز و الكرامة و أقوى اقتصاد في المنطقة و غيرها من الأمور التي تعرفها أنت بلا شك. مصر هي الدولة التي نفتخر كعرب بالسير وراءها و في ظلها، هي الأخ الكبير كما تعرف، أتريدنا أو السيد حسن أن نهتف و نصرخ لاستنفار الشعب القطري أم الإماراتي أم البطيخي! ما هي الدول العربية بدون مصر، ما هي الشعوب العربية بدون مصر، الشعب المصري هو المسؤول الرئيسي عمّا يحدث في غزّة!
للأسف سيد محمد عمر حتى بمقالك هذا يزداد تأكدي أنّك أصبحت بعيد عن الشارع، ما حدث في المظاهرة -و لك أن تسأل يزن أيضا ً- أظهر أسوأ صورة للأردن من أكثر من 20 سنة و سأتكلم عنه في رد منفصل !
عذرا ً للإطالة سيد محمد لكن والله هي كلمات من القلب لشخص كنت قد قلت ليزن عنه : "زلمة ختم الحياة !" مع العلم أن معظم أقاربي من جيلك عاشوا حياتك لكن لم يكتسبوا ثقافتك برأي الشخصي!

Tha2er | 11/01/2009, 12:36 [ الرد ]

برايي أن قناة الجزيرة لم تكن موضوعية في طرحها لقضية الاعتداء على مراسلها ( ياسر ابو هلالة ) ، فلماذا لم تستضيف مسؤولين من قوات الدرك او الامن العام الاردني لتوضيح ما حصل ؟! فالتوازن في عرض كافة الآراء ضروري جدا ومن أبجديات العمل الإعلامي خاصة في مثل هذه الحالات التي تحدث فيها المشاجرات .
ع العموم ، سلامات لياسر ابو هلالة .

عبير هشام أبو طوق | 11/01/2009, 12:58 [ الرد ]

http://www.khaberni.com/home.asp?mode=more&NewsID=10636&catID=7&writerID=0

كل يغني على ليلاه ( فتواه ) !

عبير هشام أبو طوق | 11/01/2009, 13:33 [ الرد ]

والله يا ستي في ملايين الأشياء الي بتقهر وهادول منها .. أصلا انا مش عارف ايش الي مضايق عليهم ، بالسعودية لا في مظاهرات ولا في غيرو.. والخليج بشكل عام ما الو دخل ومشغولين ببطولة خليجي 19 أو 20 مش عارف .
وصرت أتمنى أنهم يلتزموا الصمت هم وغيرهم !
عنجد اشياء غريبة !

خالد السعود | 11/01/2009, 13:56 [ الرد ]

والله الجزيرة شاطرة تجيب النا النتحدث باسم الجيش الاسرائيلي بس
وثانيا الجزيرة كذبت حالها عيني عينك لانه كيف ياسر كان يقدر يمشي ويتهدد لحد ما وصل سيارته وساقها وكانت بدلته عليه وفجاة بقدرة قادر صار بالمستشفى وعلى كرسي متحرك وبالفانيلا تبعته وعليها دم والله انا مو فاهمة ممكن تفهمونا ؟

نووووووور | 11/01/2009, 13:40 [ الرد ]

قد يكون الناطق الاعلامي لقوات الدرك متعلما ويعرف اصول التعامل مع الصحافة ، لكن افراد قوات الدرك والامن بشكل عام لا يعرفون سوى تنفيذ التعليمات ، السؤال ما الداعي لوجود قوات الدرك اصلا ؟ اذا كانت دولة مؤسسات او تسير نحو ذلك لماذا انشىء هذا الجهاز اصلا الا تكفي قوات الامن ؟ ارجو ان يقوم صحفي ما باجراء تحقيق صحفي نتعرف من خلاله كيف يتم انتقاء افراد الدرك ، ما هي معايير اختيارهم للخدمة في هذا الجهاز وكذلك الامن العام ، ما هو مستواهم التعليمي ، ما هي كفاءاتهم وامور أخرى .. وانا متاكدة من النتيجة وكلنا يراها من مستوى اداءهم . انهم يحملون عقلية غير قابلة للتغير ويعرقلون اي تغيير يحاول البعض ادخاله .
ما رايك بحديث يدور بين شرطيين بانهم يفضلون مظاهرات الجامعات فهناك فرصة ...... اكثر نظرا لوجود اعداد كبيرة من الفتيات خاصة عندما تسقط احداهن شنطتها او الموبايل او... اي مستوى هذا . !!
وحتى في السلوكيات اليومية يحق للامن ما لا يحق للمواطن على سبيل المثال كنت كاي مواطن محترم اقف على طابور الباص وكانت هناك بعض الفوضى رغم وجود الشرطي ماذا فعل (المسؤول عن النظام) وبقراره الخاص اوقف الباصات على مسافة بعيدة وبدا الطابور من نهايته تصور اي فوضى خلق . انهم لا يعرفون حدودهم لهذا على المواطن ان يعلمهم ذلك ولكن بوعي . ما جرى خلال المسيرات هو استخدام القوة المفرطة
( مثل اسرائيل ) بلا داع .
الاعتذار والاعتراف لا يكفي ، لقد دمرت اسرائيل مدرسة الاونروا وقتلت الفلسطينين واعتذرت . ليس لنا ولكن لوكالة الغوث وهكذا سيفعل الدرك امام منظمات حقوق الانسان عند صدور التقرير السنوي الذي دائما يصنف الحريات عندنا بالضعيفة .
ما نمر به الان هو جريمة اكبر من الكبرى انها محاولة تصفية شعب وقضية لهذا المطلوب هو استيعاب غضب الجماهير وليش صب الزيت على النار حتى لو صدر قرارا بمنع المسيرات ستخرج ولن تصمت وهذا ما ادركه المسؤولون لانهم لو منعوها لتحولوا الى عدو آخر . هذا ما اكتسبته الجماهير بيدها وليس منة من احد .
ما تعرض له مراسل الجزيرة لا يجوز باي حال من الاحوال ونحن حتى الان لا ندري نتائج التحقيق مع من شتم الذات الالهية . وشطب وجه الصحفي . الصحفيون تعرضوا عدة مرات للاهانة دون اعتذار .
علينا مقارنة انفسنا بالافضل وليس الاسواء والا فلن نتقدم ابدا.
وعلى ذكر خيمة الاعتصام برر النص الرسمي الذي وزع على مواقع الانترنت والصحف ان الخيمة تحولت الى ( بؤرة) تجمع فيها الشباب والشابات وتدخين الاراجيل ، وكان تلك جريمة متناسين ما يحاول هؤلاء المتطوعين التعبير عنه اي قتلت فكرة المحاولة في المهد مع ان خيام بيروت دامت شهور وخيم لندن امام السفارة العنصرية في ذلك الوقت جنوب افريقيا 8 سنوات ، وهنا يصفونها وكانها وكر دعارة وهم حريصون على الاخلاق ، الاولى اغلاق بيوت الدعارة والكباريهات المنتشرة بكل مكان ولكن طبعا هذا خط احمر لان اموال الثروة السياحية ستشح. الى متى هذا التشويه . لا بد من ذكر ان وزير الداخلية سبق ان سمح باستمرار وجود الخيمة ولكن طار القرار بلحظات .
الكلام يطول ولكن الخلاصة انه اذا استمر خرق القانون من قبل من يعتبرون نفسهم فوق القانون لا بد من رد فعل قد يكون مفرطا كما هو الفعل واكثر .
نحتاج للكثير من الصدق في الارادة كي نسير نحو دولة المؤسسات مللنا من المظاهر الخادعة .

sahar | 11/01/2009, 13:59 [ الرد ]

من باب احترام الرأي والرأي الاخر والله يا محمد عمر انك عجيب ياريت تلاقيلك مكان تعرف توقف فيه رد الدرك على بعض التجاوزات ان حصلت طبيعي ومقبول عندك الشباب في الشوارع مرمية ماشي يا سيدي شفناهم في فرنسا وبريطانيا بعملوا نفس الشي بس انت هون الي عم بموتوا ولاد جلدتك ودمك سواء كنت متظاهر او دركي يا استاذ ،كل هذا تحامل على ابو هلالة والجزيرة فظيع،ابني صار له ثلاثة ايام مش عم بتنفس بشكل منيح من ورا القنابل المنتهية صلاحيتها ياابو الدرك

امنة | 11/01/2009, 14:40 [ الرد ]

تحياتي
ان لك يا استاذ عمر طريقة مميزة جدا بالانتقال من اقصى درجات التشائم الى اقصى درجات التفائل في سرعة قياسية
فمن الهجوم على المتظاهرين و المعتصمين قبل ايام الى كيل المديح المبالغ فيه - في رأي - حول حضارية و رقي مستوى المتظاهرين لا بل تجاوزت ذلك الى مديح قوات الدرك
فعلا لا اعرف كيف تستطيع ان تفعل ذلك بهذه السرعة
و لكن على العموم ليس هذا موضوعنا
بل قولك ان الاحداث كشفت عن دولة مؤسسات في الاردن و هنا يا استاذ عمر قد خانتك قدرتك على التحليل فما يحدث في هذه الفترة هو وضع خاص جدا و تصرف قوات الامن الحضاري هو بتوجيهات من اعلى المستويات
و لكن ابشرك - و اتمنى ان يكون كلامي خاطىء - ان قوات الامن ستعود الى سابق عهدها عندما تنتهي هذه الازمة
فلا تفرط في التفاؤل في استاذي
اما فيما يخص قناة الجزيرة - التي بالمناسبة انا شخصيا اختلف معها جدا بسبب ميولها الواضحة نحو الاخوان المسلمين - و ياسر ابو هلالة بالذات هو مذيع منحاز للاخوان بالمطلق - إلا ان ما حدث مبرر بالكامل فهل المطلوب من الجزيرة ان لا تعرض ضرب صحفي تابع لها على القناة و الجزيرة ذكرت اعتذار قوات الامن فلا اعرف ما سبب هذا الهجوم غليها
و من كان عنده اسباب اخرى للهجوم فليذكرها بدون الاختباء خلف موضوع ياسر ابو هلالة

كمال البلعاوي | 11/01/2009, 15:01 [ الرد ]

هو يغير رأيه كما يغير ملابسه الداخلية، يعني بكرا رح تشوف تدوينة هجوم شديد على قوات الدرك وعلى المظاهرات كمان ورح يرجعوا مكبوتين جنسيا.

مع الناس | 11/01/2009, 21:39 [ الرد ]

ما حدث بالمظاهرة :

أولاً : لا أريد أن يأتي أحد و يشكك بوطنيتي اتجاه الأردن و حتى بحبّي للملك و لعائلة هاشم بن عبد مناف بحجة أصلي فلسطيني، فأصلي الفلسطيني يمنعني أن أنسى من قدّم لي المساعدة في يوم فما بالك بانصهار و اندماج كامل و أنا مقتنع بأن الشعبين الفلسطيني و الأردني هم المهاجرون و الأنصار في زمننا و أنا أصلا ً لا أعترف بتقسيمات و أعلام مارك سايكس و جورج بيكو!

ثانياً : قوّات الأمن العام هي فخر لنا و للأردن و هي من تحميني أنا و أنتم من السرقات و من القتل و الجرائم و هي التي تجعلني أكون مطمئن و غير قلق عندما تذهب أختي الصغيرة و صديقاتها كل يوم أو يومين لعمّان مول مشي - كعّابي- سير على الأقدام!
و هي التي جعلتني منذ دخلت الجامعة أسهر و لا أرجع للبيت قبل الرابعة أو الخامسة فجرا ً و أنا أحس بكل أمن و استقرار، هي و هي و هي قوّات الأمن العام .... بتحافظ عالنظام- النظامين بالأحرى-
و هي تاج فوق رؤوسنا في كل الحالات إلا و أكرر إلا عندما تكون مستعدّة لقتلنا و خنقنا و تكسير عظامنا و حبسنا و كل ذلك حتى لا نصل للحقارة الصهيونية!

ثالثاً:الوصول للسفارة و تدميرها بوجود مصادمات مع الأمن و تدمير ممتلكات لا يعني شيء و هو تصرف غبي و لن يفيد القضية برأي و رأي الكثير، و من يعتقد أنه بتكسير السفارة التي لن يكون بداخلها أحد حتى لو وصلوا لها على حساب الجرحى من الأمن أو المتظاهرين فهو شخص غير واعي فالموضوع رمزيا ً له معنى لكن بما أن عواقبه ستكون وخيمة جدا ًعلى المئات الذين بالتأكيد سيصابوا و سيقتلوا حتى تتم المهمة المستحيلة فالمعنى الرمزي لا يستحق ذلك التصرف اللامسؤول !

رابعاً: الكثير من الذين كانوا في التظاهرة هم من روّاد الاعتصام الدائم الراقي الذي كان له معنى كبير جدا ً و كان حلما ً جميلا ً فتوحّد فيه الحمساوي و الفتحاوي و الجبهاوي و الشيوعي وووووو من كل الأحزاب الوطنية الأردنية التي ترفع الراس والله،و لم يرفع أي علم غير علمي فلسطين و الأردن و كانت سهراته و جلساته كلها نقاشات سياسية و اجتماعية هادفة و تعاون و ثقافة وووو .
المهم نحن من كنا نتبع للاعتصام و كنا كثر لم نفعل أي شيء غير الهتاف في بعض الأحيان و كان الغالبية منّا متمركز في الخيمة و حولها و لم ينزل أحد تابع لهذا الاعتصام للشارع حتى، لكن ما حدث كما الجمعة السابقة ينتهي الناس من الصلاة في الكالوتي و يتجمعون عند الخيمة و ما حولها و في الشارع و هم غالبيتهم أتوا من مناطق بعيدة عن الرابية فقط ليتظاهروا و يقوموا بشغب و يلفتوا الأنظار!

خامسا ً: المرحلة الأولى، بعد مدة بدأ البعض باستفزاز الأمن و الكثير من العقلاء يحاولون منع هؤلاء الحثالة التي منهم من بدأ يرمي بالحجارة على الأمن فولّعت المرّة الأولى و هم في الشارع و طبعا ً هدول الشباب بكونوا أوّل ناس برموا الحجار بشوفوا رجال الأمن بلّشوا يركضوا بتلاقيهم صاروا بالتكاسي و الباصات عطريق بيوتهم ! طيّب إنت رجل و صاحب موقف و مقتنع إنه لازم تتدمر هذه السفارة و مقتنع إنه رجل الأمن يستحق الرمي بالحجر، طيّب خليك بمكانك على الأقل، ليش ناس ما إلهم دخل في الموضوع ياكلوا الضرب و المسيل!
المهم لحد هون كله في الشارع و اللي ما كان في الشارع- بالخيمة أو على الترابية- ما صارلو شي!
و هون تم ضرب الصحفيين و منع الجميع من التصوير و مصادرة الكاميرات من البعض و بالتالي من بعده أصبح الأمن بلا رقيب و لا عتيد!

سادساً: بعض الحقائق، كان في التظاهرة على جانب الشارع الذي لم يحصل لهم شيء في المرحلة الأولى أكثر من 400 فتاة و و امرأة و أكثر من 20 رجل فوق ال50 و أكثر من 30 طفل تحت العاشرة، كله سليم و تمام التمام !

سابعاً: المرحلة الثانية، عاد بعض من هرب في المرحلة الأولى و تجمّعوا لكن هذه المرّة على الترابية و الرصيف و البعض بالخيمة و هنا اختلطوا بالنساء و الأطفال ثم بعد نصف ساعة من الهتافات الطبيعية جدا ً بدأ مالا يزيد عن 20 شخص من أصل 2000 الذين كنّا على الترابية و الرصيف و في داخل الخيمة باستفزاز الأمن دون رمي حجر حتى، فقط بالكلام، و عندها قررنا نحن روّاد الاعتصام الرجوع للخيمة، دخلنا الخيمة أكثر من 400 شخص معظمهم صبايا و نساء و فجأة ولّعت الدنيا و ما وجدنا إلا 4 قنابل مسيلة للدموع ترمى داخل الخيمة و أكثر من 300 شخص من قواّت الدرك -كتوقع- تضرب بكل من تراه بين دخان القنابل، أوّل ما حدث داخل الخيمة هو أن الفتاة التي كانت بجانبي عند العمود في وسط الخيمة أغمي عليها و طبعا ً عشرات البنات كذلك، المشكلة إنه الكل هاج و بدو يهربوا من ورا الخيمة من تحت و أصلا ً الواحد مش جادر يتنفّس و إذا سكّر عيونه رح يغمى عليه بأقل من ثانية، أنا و شب حملنا البنت و طلعنا من جدام عكس الغالبية و الأمن لولا الحظ كان صابونا، المهم إجت بنت مصّورة و أخدت البنت منّا و حكت رح توديها على الإسعاف و طبعا ً الأمن بلحقوا فينا و أنا عيني كلها غبش و جاعد بدمّع زي الأطفال و مش عم بتنفس ركضت على سور العمارة اللي بجانب الكالوتي -الله يخلّيها لأهلها و يوفّق المقاول و المسّاح اللي نفذوها- ركضت و أكثر من 30 رجل أمن بلحقني أنا و 4 معي و كلهم أكلوا قنوات إلا أنا-محسوبكم سريع- المهم في هال100 متر هدول شفت بلاوي!
و حابب أحكي إنه أنا سبق و شاركت بمظاهرات المفروض سلمية قبل هيك و تحولت لغير سلمية و لكن دائما ً كان الأمن يفرقوا بالضرب و المسيل بين رجل و مرة، بين ولد بالتاسع و شب بالجامعة، بين متظاهر و بين زلمة كان زهجان و إجا يتفرج، وبين و بين!
المهم لحد السور شفت عشرات عم بنخبطوا و أكتر من 10 نسوان مغمى عليهم المهم وصلت السور و ورانا الدرك جمت بدون ما أعرف شو ورا سور الكراج، سيارة طيّارة زلمة مرة، طوله 5 متر و لا عشرة! نطّيت، المهم حظي كان كعادته حلو و غريب و مش مفهوم ، طلع تحت و ورا السور اللي طوله طلع 4 متر صفايح زينكو تبعون السطوح أكثر من خمسة فوق بعض، و وراهم 6 حدايد -جسورة- تبعون الجنينة! شو جابهم؟ شو وظيفتهم؟ شو مكانهم من الإعراب هناك؟ ربّك عالم! المهم همّا كانوا نعمة و نقمة ! بعدها نطّوا وراي 10 شباب و ضلينا هناك ل20 دقيقة أثناءها سمعنا واحد بحكي من مئذنة الكالوتي التالي: "قوّات الأمن تدخل بأحذيتها على المسجد و تعتقل المصلّين" بعد ال20 دقيقة طلعت لأنه كمان بهذه الأثناء اتصّل معي صاحبي-اللي كنت أنا عم بحاول أحكي معاه- و طلع صاحبنا الآخر مفشوخ و مغيّب لوهلات و شباب بدها تودّي على المستشفى !
بالطريق للسيّارة و من أمام الكالوتي شفت شب واقف على عتبات المسجد و بجحر بالأمن و متضايق من اللي عم بصير بس هو طالع من المسجد لا إله و لا عليه، ما لجيت إلا واحد من الأمن راكض عليه و بحكيلوه لويش بتجهر و سلخه كف true story ، طبعا ً أنا كنت بلا عقل صرت بلا ولا شي، ركضت على الشاب و مسكته و خليته يدخل للمسجد و هو بفعفط الحزين بدو يردها و أنا بحيلو :"مش شايف وراه مليون" و رجل الأمن منيح منه ما خبطني على ضهري بس منيح الله هداه!
بعدها طلعت بالسيّارة و بالطريق بعد 300 400 متر باتجاه سوق الرابية لجيت ولد صغير ماسكينه الأمن و بشدّوه و بعيّط، إجتني الجرأة كمان مرة و وقفت و قلت للأمن هاد أخوي سيبوا، حكيت إزا ركضوا بدهم يخبطوا السيّارة بشلّف، الحمدلله سابوا و طلعته معي و وصلته على بيته، طبعا ً منظره بخلّي الحجر يكفر بمبادئه.

هذا ما رأيته أنا غير صاحبنا الذي فشخ و كسر إصبعه و هو يحمي رأسه!
و لن أذكر روايته و ما رأى هو! فأنا هنا أتكلّم عن ما شهدته أنا فقط! مع العلم إنه المسكين لا هتف و لا إله دخل حتى بالاعتصام أو المظاهرة! هو فقط جاء عشان فش إشي يساوي، حكاله صاحبي تعال فإجا!

ثامناً: أنا مع اعتقال الشباب اللي رمت حجارة على الأمن فهم نجسوا الحجر بأيديهم القذرة و حتى اللي استفزوهم بالحكي، بس السؤال : شو دخل الغالبية المسالمة و الناس اللي بتعرف النظام و القوانين و بتعرف حدودها !
طب بلاش، شو دخل البنات و الحجّات اللي بس إجو عشان يظهروا تضامنهم مع غزّة هاشم و ما بعرفوا إنه في حثالة رح ترمي الأمن بحجارة و ثواني يتحوّل الموضوع لمعركة من طرف واحد!

صراحة الحمدلله إنه لا جزيرة و لا غيرها استطاعت تصوير المرحلة الثانية و أنهم منعوا لإنها كانت لتكون إساءة لكل من يحب الأردن و أنا مع مبدأ خلّي الفضايح مستورة في غالب الأحيان و عض على شفتك و سامح بس للأسف مقالات كهذه يا سيد محمد عمر تجعلك تريد قول ما في داخلك على الأقل حتى لا تخرج أي فتاة أو حتى أي شاب لمظاهرة إن لم تكن منظّمة و مقوننة، فالتظاهر هو تعبير عن رأي و تضامن و محاولة للقيام بشيء ما و هو ناتج عن إحساس بالعجز عن تقديم الأفعال و لكنه يبقى سلمي فهذه ليست مظاهرات انقلابية و هي في النهاية برأيي تفريغ للشحنات في الغالب، و أتمنى من الملك أن يقوم بخطوة حكيمة أخرى كما مع مراسل الجزيرة و لكن بشكل يعم الجميع!
و للعلم، كل الشخصيات الصفدي و الفايز و زغيلات و الخطيب و رئيس الحكومة زاروا أبو هلالة بتوجيهات حكيمة من الملك غير اتصاله الأهم بينهم! ليش؟؟؟؟؟؟؟؟؟؟؟؟؟
الشاطر يفهم! يا ترى بس عشانه انضرب ولّا عشان ما ينشر اللي صوّره !

تاسعا ً: أنا سأشطب هذا اليوم المشؤوم من تاريخي و تاريخ الأردن و
سأحاول أن أنسى أن من تسبّب بخنق عشرات النساء هم من رجال الأمن!
و بضلني أحكي الله يستر من الوفد الإسباني!

عاشراً: أكرر، بدون مزاودات و تملّقات الأمن أخطأ خطأ جسيم و لندعوا الله أنه خطأ يتكرر كل عشرين سنة مرّة واحدة فقط!
و طبعا ً كل شي تافه و بسيط أمام ما يحدث لأهلنا في غزّة... رمز الشرف و الكرامة و العزّة!
يعني أنا من ناحيتي هاي آخر مرّة بتكلّم عن الموضوع!
عذراً للإطالة مرّة ثانية لكن حبّيت أحكيلك اللي شفته سيد محمد و إنت احكم!
و للعلم فقط اليوم اسمعت و قرأت آراء شباب معروف نظرتهم للقضية و لكل من أصله فلسطيني و إيش حكوا عن المظاهرة!
" بستاهلو, الله لا يقيمهم، أمن الأردن خط أحمر، لازم كلهم يعتقلوا و تنسحب جوازاتهم، كسّروا 10 سيّارات، و سبّوا الملك و حرقوا العلم الأردني" و من هالقصص الخيالية !
لأنه والله لو واحد عمل إشي من الأشياء كان مات دعس ببواتنا الأديداس و النايكي ... ههه !!!!
قصدي، و إنت أدرى و أعلم منّي سيد محمد عمر بالحكمة الشهيرة:
" اعرف من مين تسمع! "

و هذه هي كامل القصة !

Tha2er | 11/01/2009, 15:40 [ الرد ]

ليس دفاعاً عن الدرك ولكن هادا شغلهم .. يعني لو كانوا المتظاهرين كافيين خيرهون شرهن وما عاملين شي وما عم يستفزوا الدرك .. كان ضربوهن .. باي حق فينا نحكي انو المتظاهر بيحقلو يضل يسب عالدركي ويستفزوا والدركي يضل ساكت ساكت ساكت انو وبعدين .ز يا ريت ما ننسى انو هالدركي بني آدم قبل ما يصير شرطي.. وبجوز في كتير منهن ما حابين مكان فرزهن اساسا .. ليس دفاعا عن الدرك مجدداً واكيد مش عم برر الي صار .. واكيد الي صار مش مقبول .. وما ممكن شوفوا وكون مبسوطه ..بس شي مخجل ومخزي بصراحه بدنا نحرر فلسطين ونحنا مظاهرة مش عارفيين نمشي.. امبارح بمسيرة الصويفيه الشرطه الاردنيه مش مكلفه خاطرها تنزل شرطي واحد عالشارع ..!! يعني هالشرطه مانهن نهمين للضرب والقتل وما بدهن دف ليرقصوا عليه ولو كان هيك كان نزلوا بمسيرة امبارح ..بس لانو مسيرة امبارح كان سلمية لابعد الدرجات ما كان في شرطه لا من قريب ولا من بعيد ..
بعدين شغلت الاعتذار شغله مهمه وما لازم نتناساها يا اخوان ..
لساتني ما عم اقدر شوف شو الفائده من الطوشات بالمسيارت وتكسير السيارات ورمي الحجاره عالشرطه انو شو اكل هالهوا ؟ الي بيشوف بيقول عم ترمي حجار عاسرائليين ولا عم تكسر سيارة شي مستوطن ..
بالنهايه الدركي شغلو يحافظ عالامن متل ما كل واحد فيكن الو شغلو بهالدنيي .. هيك تعاملو مع الموضوع بترتاحو كتير .. ودخيلكن شو كم هالبوكس الس اكلوها ولا هالغاز الي شموه .. ما ع اساس عم نطالب بفتح الحدود للجهاد .. و ع اساس في عنا مدري كم الف اسير عم يتعذبو بالسجون الاردنيه والسوريه والمصريه قبل الاسرائيليه الاحرى فينا نطالب بوقف التعذيب بالسجون ونهوج هالهوجه للاسرى احسن ما نهوج ع كم شب اكلو كم كف بمظاهره...وعن مراسل متلو متل غيرو .. حظو ونصيبو للشرطي انو طلع ابو هلالة ولو ما كان ابو هلالة ما كان حد دري بالخبر ولا ما يحزنون..
(يفتح باب الاتهامات لآل عمر تفضلوا :P )

reemi | 11/01/2009, 16:24 [ الرد ]

بحيي ابوكي لترباتك منطقيه رائعه شكلك رح تكوني محاميه او صحفيه شاطره

سوزان | 11/01/2009, 19:28 [ الرد ]

يعني المهزلة بتكون بأبهى حللها لما الناس تدافع عن القمع .. ممتاز

وشو بالنسبة للمقبرة الرمزية والشواهد؟ كمان اعتدوا على الشرطي المسكين مشان هيك دعسوا عليهم وشالوهم من أرضهم !!

جد مجنون يحكي وعاقل يسمع!!

ليلى | 11/01/2009, 16:46 [ الرد ]

سؤال الى كل المعلقين ماذا تعني الديمقراطيه في اعتقادكم يمكن يكون الحوار هيك اسهل وانا باعتبر الاردن مشى خطوات كبيره في ترسيخ الديمقراطية وحرية التعبير شرط ان يكون المعبر محترم حاله وبالنسبه للجزيزرة وغيرها من القنوات في العالم العربي وللاسف انها تتبع سياسات الدول اللي تابعه الها يعني لا حريه ولا نزاهه

sozan | 11/01/2009, 19:24 [ الرد ]

كعراقي فانا سعيد بانكم قد اكلتم هذه العلقة التي أكلناها قبلكم قبل عام عندما تجمعنا في نفس المكان. تحيا المساواة و النفط للأردن.
نعم الأردن بلد أكثر حرية من غيره في المحيط, ولكن هذه الحرية في ظني المتواضع مجرد طلاء لحد الآن, يتفلسف البعض بانه بلد ديمقراطي و متنور, وما حدث قبل ايام يشير الى عكس ذلك تماما. اما مقارنات بعضهم بدول متخلفة كالسعودية و ما اشبه فوجه المقارنة يجب ان يشهر نحو الدول المتقدمة.

عباس هوازن | 11/01/2009, 20:24 [ الرد ]

أخ عباس
نحن نتشرف أننا وأهل العراق في علقة واحدة، وما دمنا طلاب حق نحن وأنتم فربما تجمعنا علقات أخرى في مكان وزمان واحد وتكون شاهداً على وحدتنا العربية حتى لو كانت في القمع.

محمد شلطف | 12/01/2009, 00:39 [ الرد ]

مفروض اﻻعتذار يكون للشعب ومش لابو هلاله بس.... هلأ صارو محترمين مشانهم اعتذروا؟ طب ما هادا اقل اشي لازم ينعمل, وﻻ شباب وبنات بلدنا متعودين عالضرب.. واللي كان بحكي عن الدرك معهم حق... ﻻ, ما معهم حق, مفروض من أي رجل امن انو يتم تدريبه حتى يفرض النظام مش انو يشعل فتيل الفوضى و يفتح مجال الاشتباك بين ابناء البلد الواحد. بسير هيك احنا من بين كل البلاد بينحكى فينا و نعطي مجال للجزيرة وغيرها ان تثير الفتن... احنا اردنيه ونشامى, احنا اكبر من هيك.... والله يحيي اصلكو..

بفضل اظل مخروس | 11/01/2009, 21:37 [ الرد ]

هلا اذا انتو مصدقين كذبة الديمقراطيه بانظمتنا العربيه .. حكي تاني .. ويمكن يكون حكي فاضي ..!

reemi | 11/01/2009, 21:50 [ الرد ]

مساء الخير للجميع...
اعتقد اني بدون ما اقصد اثرت حوارا ديمقراطيا هنا بغض النظر عن الشتائم والتعابير الجارحة والمزاودة...
على اي حال كل انسان حر في رأيه، ومن لديه قضايا مع الدرك والامن فقد توجه بها الى المركز الوطني لحقوق الانسان. وبامكانه ان يكتب ويرفع دعاوى وقضايا وكتب ويعبر عن رأيه. وهذا شيء ايجابي جدا ودليل على حيوية المجتمع.
لكن ما يهمني قوله ان كل ما جرى في البلد يعبر عن حيوية حقيقية وتفاعلكم هنا احد الامثلة. اشكركم جميعا من معي ومن ضدي. لانكم اثبتم اننا بخير.
ما يهمني قوله انني ربما لم اكن دقيقا تماما بحق زملائي في راديو البلد.
لصديقي وزميلي حمزة اعتذر عندما شبهت محاورته مع الناطق باسم الدرك بطريقة المذيع جمال ريان مع الناظق باسم جيش اسرائيل. لكن ما كنت اقصده هو ان حمزة كان جرئيا وموضوعيا في مناقشة ابو حماد وان جرأته هذه في نقل وجهة نظر المتظاهرين كادت في بعض الاحيان تخرج عن السيطرة لاسباب تتعلق بحماسة المتظاهرين وبضعف التواصل مع الميدان ولكن يكفي حمزة انه الوحيد بين كل وسائل الاعلام الذي نقل وجهة نظر الدرك للناس ونقل وجهة نظر المتظاهرين للدرك. وعندما قلت انني تدخلت فقد ابلغت زميلي في الهندسة الصوتية ولكن يبدو ان ملاحظتي لم تنقل لحمزة. ومع ذلك اعتذر لحمزة ان كان فهمت عن غير قصد مني على وجه اخر.

محمد عمر | 11/01/2009, 22:21 [ الرد ]

Very silloy argument from all of you. As Mo partly said it os not an issue bla bla bla. This issue seams more important and involved more butt scratching than the ONSLOUGHT on Gazza Ya ...

Gazza | 11/01/2009, 22:45 [ الرد ]

أنا بخير..طمنوني عنكم؟

غزَة | 11/01/2009, 23:24 [ الرد ]

تحياتي أخ محمد.
فقط أريد أن اسألك كيف بنيت قرارك بأن "أيتام" اليسار الاجتماعي يخشون هكذا من رفع الأعلام الفلسطينية في المظاهرات والاعتصامات؟ الغريب أنني أنا شخصياً تم اعتقالي ذات يوم بسبب توزيعي ملصقات تحمل علم فلسطين، وأنا أحد أولئك الأيتام كما أسميتنا كرماً منك وتفضلاً.
راجياً منك بناء موقفك من أي طرح لحركة اليسار الاجتماعي على ما ينشر باسم الحركة وفي موقعها الرسمي.
بالمناسبة، لم نسمع رأيك في من يرفضون رفع العلم الأردني في تلك المسيرات.

علاء الفزاع | 11/01/2009, 23:39 [ الرد ]

توقفوا عن قول كلمة اسرائيل قولوا اسراهل

اسرائيل هم اسم نبى من الانبياء نؤمن به نحن المسلمون كنبى وما تفعلة و ستفعله و فعلته اسراهل هو اهانة لكل مسلم باتخذاها هذا الاسم وتحد لنا

فاسراهل دولة لا قانونية استمدت شرعيتها ممن لم ولن يعطنا حقنا فقد ولدت بالدماء و الاشلاء و النار

على انقاض و اشلاء وطن مسروق مستمرة فى عدوانها على الاطفال و الرضع

فنحن توقفنا من الآن وصاعدنا عن الاعتراف باسراهل حتى باسمها الحالى عربيا و عالميا

فسنتوقف عن قول الاسم الذى سرقتة و تستغلة و سنلزمها باسم اخر فى كل كتابتنا و اعمالنا

هو اسراهل

IsraHell

غرض هذة الحملة هو الارشفة العالمية الحقيقة لهذا الاسم الجديد

من فضلك التزم بهذا الاسم الجديد فى كل اعمالك و كتاباتك و تصميماتك و محادثاتك

اسراهل لا تريد السلام بل تريد الدماء و الخراب

من فضلك اكتب عن هذة الحملة فى مدونتة فى منتياتك فى كل المواقع التى تشارك فيها الاجتماعية او الشخصية

ساهم معنا فى نشر هذة الحملة

————————————————————-
Stop saying Israel , Say IsraHell ,

in tour writing , chat , conversations , and an artwork .

Please forward this campaign .

ًWrite about This campaign in your blog , journal , forum

make artworks , cartoons , write articles .

Please write about this campaign and say israHELL

dm | 12/01/2009, 03:05 [ الرد ]

استاذ عمر انصحك بمشاهدة ما كتب عن مدونتك على هذا الرابط..
http://www.360east.com/?p=1110

حنان | 12/01/2009, 08:14 [ الرد ]

اتفق معك في وجود تغير ملموس، مع ضرورة التكرار في أكثر من شكل لتحويل الملاحظة إلى صفة غير طارئة، وغير عابرة والأهم غير معبئة أو ظرفية.

أحمد الشولي | 12/01/2009, 13:14 [ الرد ]

التقرير تفيد أنها تصرفات فردية فقط من عنصر أمن أو أثنان وثلاثة ،المهم أنها تصرفات جماعية فردية ؟

بس الذي حصل بمعان العكس ، بعد ساعة وجدنا عناصر الشرطة المختفيين وبعد ساعة وجدنا الأخير بالمشفى والحمد لله على السلامة ، وبغض النظر على صور الأشخاص الذين ارتفعا بالمسيرة ، الأ أن الأمن كان يتعامل مع الناس بشكل ايجابي ومتحظر .. لانه لم يكن هنالك منهم احد ..

اذا كان المسألة في الرابية حماية السفارة فقط

أحمد ابوخنسه | 12/01/2009, 13:59 [ الرد ]

انا شخصيا .. احزنني امر لا اعرف مدى اهميته . لكنه احزنني ،، نعم خرجت المظاهرات دون المساس بها ، لان الحكومة تريدها ، في حين لم تكن تريدها في الاجتياح الاول لغزوة قبل عام تقريبا و لم تكن تريدها في حرب تموز 2006 ... ما احزنني هو ان ليس ثمة اي مظهر ديمقراطي فيما يحدث في البلاد ، ارجو ان نزيل تلك الغشاوة .. الحكومة ارادت ان يتجمع الناس في استاذ عمان ، و لم تتدخل لانها ارادت و لان الواطن انصاع .. و ارادت ان يجتمع الناس في طبربور يوم الجمعة الماضي ؟، فأجتمع الناس و لم تتدخل لانها ارادت و لان المواطن انصاع ايضا .. حين اراد المواطن ان يفعل بوحي من رغتبه ، لم ترد الحكومة ، فتدخلت و ضربت ببشاعة .. ببساطة ان تتظاهر تبعا لرغبتي كسلطة و في المكان و الزمان الذان اختارهما ، فلك ذلك ، ان اردت انت شيئا كمواطن فهذا ليس لك ،، رغما ان جوهر الديمقراطية في الاخيرة و ليس الاولى !!!! اراد الناس التظاهر بالقرب من سفارة الدولة التي استخدمت الفسفور في تشويه و ليس قتل فهذا ارحم ، في تشويه اطفال غزة ، و اقتلاع عيون لؤي البرئية ، و تيتيم مئات الاطفال ، و قطع الدواء عن اخرين و قصف البعض الاخر في مدرستهم ،، تلك هي الدولة التي تتربع سفارتها في الرابية ، لا يمكن ان امر بجانبها متمتعا بمنظر العمران الجميل فقط !!! من حق الناس ان تغضب و تحطم السفارة ، و من الطبيعي اقول " الطبيعي " ان تسمح لهم الاردن ، و الاردن تحديدا التي تشخى تتدعي الخشية مما بعد غزة ، ان تسمح لهم بتحطيمها ،، بعد ان تكون قد سحبت سفيرها منذ اليوم الاول للعدان الذي قضى به 180 شهيد ، و ان تكون قد امرت بارسال دبلماسي اسرائيل الى بلادهم ، تصرف طبيعي ، و طبيعي اكثر ان يخرج وزير الخارجية ليقول ، بانا لا يمكن ان نضرب مواطنينا لانهم حطموا سفارة دولة تسن حربا باحدث و اقذع الاسلحة على الاطفال من اخوتهم .. ببساطة يمكن فعل ذلك ، لكن ما لا يمكن الاقتناع به ، هو ان يضرب الاردني لانه " اراد" ان يعبر بطريقته ، ان يضرب الاردني من اجل حماية سفارة اسرائيل التي رأينا بالامس تحديدا حجم تعطشها لدمائنا جميعا ...

عماد رواشدة | 12/01/2009, 14:22 [ الرد ]

أتفق معك، و أحد أغراض الحكومة من عدم التعرض للمظاهرات الأخرى هو تحسين صورتها أمام الشارع الأردني و العربي من دون دفع ثمن باهظ (من وجهة نظرها) مثل قطع العلاقات و تجميد أو إلغاء معاهدة السلام، في العموم إن سياسة الإعتداء على السفارات - برأيي - غير محبذة و غير حضارية و بكفي فقط التجمهر أو الإعتصام أمامها لتوصيل رسالة ما إلى الدولة صاحبة السفارة، و لنتذكر أن الأردن له سفارات في الخارج أيضا.

الحق المر | 13/01/2009, 07:17 [ الرد ]

يعني يا أخي محمد أنا فاهم ما تقول.. و معلش يعني كلام سليم انو في "تحسن" و في "ديموقراطية" و الخ بس برضو من حقنا انو ننتقد اللي صار و نوصفو بالوحشي و الغير جضاري.. مش لأنو حضرة ابو حماد بيك اعتذر معناتو ما صار إشي. من حق قوات الأمن انها تستخدم نوع من القوة للحفاظ على الأمن بس السؤال الحقيقي هو هل فعلاً كان في أي تهديد للأمن؟ أو تخريب للممتلكات؟ أو اعتداءعلى رجال الأمن أو مواطنين آخرين أو أو؟ إذا ما انطبقت أي من هذي الشروط فواجب رجل الأمن انو يحمي المتظاهرين مش يكسر روسهم ولا "يترفش" في بطنهم!!!

إذا مستمثر علينا شوية زعل من قوات "الدرك" على هالعمله معناتو شو راح تحكي للشعب اليوناني على كل اللي عمله علشان غلطه وحده للشرطة؟ و على الرغم من كل الاعتذارات؟

عدنان | 12/01/2009, 15:16 [ الرد ]

الأخ محمد،
لا زلت مصراً على سماع ردك على تساؤلاتي، وأعيدها مرة أخرى:

تحياتي أخ محمد.
فقط أريد أن اسألك كيف بنيت قرارك بأن "أيتام" اليسار الاجتماعي يخشون هكذا من رفع الأعلام الفلسطينية في المظاهرات والاعتصامات؟ الغريب أنني أنا شخصياً تم اعتقالي ذات يوم بسبب توزيعي ملصقات تحمل علم فلسطين، وأنا أحد أولئك الأيتام كما أسميتنا كرماً منك وتفضلاً.
راجياً منك بناء موقفك من أي طرح لحركة اليسار الاجتماعي على ما ينشر باسم الحركة وفي موقعها الرسمي.
بالمناسبة، لم نسمع رأيك في من يرفضون رفع العلم الأردني في تلك المسيرات.

علاء الفزاع | 13/01/2009, 09:25 [ الرد ]

ما كتبته شاهدته شخصيا، وقرأته وسمعته من شهود عيان..
اما من يرفضون رفع العلم الاردني فهؤلاء مدانون بشدة ويستحقون ان يتم تقديمهم الى القضاء والمحاكمة والادانة .. انا ضد اي عنصرية من اي كان، والاردن فوق الجميع...
هذا ما اعرفه ولا اريد ان ادخل في جدال قد يفتح بابا لنقاش لا ارغب فيه وتعليقات من البعض لا اريد ان استجرها..

محمد عمر | 13/01/2009, 09:32 [ الرد ]

أنت حر في عدم الدخول في جدال، ولكن لا ترم التهم وتمضي بحجة عدم الدخول في جدال. ولم أفهم منك كيف شاهدت شخصياً خشيتنا من رفع الأعلام الفلسطينية؟ يا أخي الناس تحترم قلمك فاحترم مصداقيتك واحترم احترام الناس لك ولقلمك، وتحر الدقة.

علاء الفزاع | 18/01/2009, 02:32 [ الرد ]

انت لا تريد ان تصدق انني رأيت خلافا على رفع العلم في الرابية مقابل رفع العلم الفلسطيني، انت حر.
ثانيا اطلب منك ان تشاهد وتدقق في كل صور التظاهرات التي تجري في اي مدينة عربية او عالمية وتبثها الفضائيات اتحداك ان ترى علم مصري مرفوع في مظاهرة في القاهرة او سوري في دمشق او تركي في انقرة . لماذا لان الناس تتضامن مع فلسطين هذا هو الامر ببساطة وليس لديها عقد نقص او تفسير الشيء "بضد" مفتعل. ليس عندي المصري او العراقي او التركي او لبناني عقدة النقص هذه. اذا لا تريد ان تصدقني اقرأ التعليقات على المواقع عندما يتعلق الخبر بالمظاهرات.. قرفتني اشكرك

محمد عمر | 18/01/2009, 07:47 [ الرد ]

آسف جدا على الحوار مع شخص يرد بكلمة "قرفتني"! توضيح يا حضرة من رأى شخصياً، اسأل وافهم من اختلف على رفع العلم الفلسطيني، يا محترم احنا كنا رافعين العلم الأردني والفلسطيني، وكل الموجودين من الناس اللي بلشو الاعتصام بيعرفو هيك. اسأل شباب الجامعات وغيرهم. انا شخصياً كنت رافع علم فلسطين على الشجرة اللي عند مدخل الاعتصام. شكلك مخربط بناس غيرنا. بس بالنسبة للعلم الأردني احنا رفعناه لأنك حضرتك شكلك جاي من أنقرة أو من السويد وما بتعرف شو ممكن يتولد مشاكل وعقد من رفع العلم الفلسطيني لحاله.
أخيراً أشكر (تهذيبك) على مصطلح القرف...

علاء الفزاع | 18/01/2009, 14:28 [ الرد ]

آسف جدا على الحوار مع شخص يرد بكلمة "قرفتني"! توضيح يا حضرة من رأى شخصياً، اسأل وافهم من اختلف على رفع العلم الفلسطيني، يا محترم احنا كنا رافعين العلم الأردني والفلسطيني، وكل الموجودين من الناس اللي بلشو الاعتصام بيعرفو هيك. اسأل شباب الجامعات وغيرهم. انا شخصياً كنت رافع علم فلسطين على الشجرة اللي عند مدخل الاعتصام. شكلك مخربط بناس غيرنا. بس بالنسبة للعلم الأردني احنا رفعناه لأنك حضرتك شكلك جاي من أنقرة أو من السويد وما بتعرف شو ممكن يتولد مشاكل وعقد من رفع العلم الفلسطيني لحاله.
أخيراً أشكر (تهذيبك) على مصطلح القرف...

علاء الفزاع | 18/01/2009, 14:29 [ الرد ]

لتأكيد الفهم، احنا بحكي عن شباب اليسار الاجتماعي اللي لتهمتنا باليتم!

علاء الفزاع | 18/01/2009, 14:39 [ الرد ]

والله يا علاء إنو شباب الحركة على راسي. ولي بعرفكم عن قرب بعرف إنكم بدكم تشتغلو ويساريين حقيقيين بس المشكلة إنه منبر الحركة المسموع (إلي عندو علاقات يكتب بكل مكان وانتا عارفه كويس)اراؤه جدلية ومخربة عل حركة. وانتا عارف إنه العب على التوازنات بجيب انتصارات تكتيكية ما بتراكم. وبجيب الحكي العاطل. مافي فرق بين س و ص الي فوق. والمصيبة إنه الواحد منهم ببدل على حسب مصالحه و مافي أي منطق سياسي بإنك تكون بتدعم واحد من التيارين تقريبا بشكل مطلق.

مقرب من الحركة | 18/01/2009, 20:49 [ الرد ]

انا من حيث المبدأ اقرف من مناقشة الحزبيين، حتى لو كانوا اعضاء في الحزب الديمقراطي الاميركي، وقرفي هذا له ما يبرره في ردك ، وهو التمسك بالرأي والنظرة الاحادية وشوافات البغال، وامتلاك الحقيقة والمطلقة والوصايا على عقل الناس، لانه انا ما بعرف شو ممكن يصير وجاي من انقرة، اذا لم يرفع العلم الاردني جانب الفلسطين، لكن من يعلم كل شيء ويحيط علمه السموات والارض لم يعد الله وحسب بل اليسار ايضا فهو العارف والعالم اسغفر الله..
بتمنى ان لا يقرأ مدونتي هذه حزبي واحد من اي حزب كان احس ما اقرف حالي وابطل ادون بالمرة...
اشكرك

محمد عمر | 19/01/2009, 08:04 [ الرد ]

بالفعل انك ما بتستحي وأسلوبك سوقي. وبوعدك ما أرجع هون لأني بحترم حالي اني اجي على هيك كتابة وهيك نفسية

علاء الفزاع | 20/01/2009, 13:30 [ الرد ]

مع ستين قلعة...

محمد عمر | 20/01/2009, 13:32 [ الرد ]