يعني إنتوا من أكثر الناس الي أنا بستغرب منهم.... يعني هيك فهمان و بتعرف شو بصير بالحفلات و مع هيك ما قدرت تحكي لبنتك لأ إنتا بتعرف شو صار بالحفلة غير هيك؟؟؟ سمعت عن التحرشات الي صارت بالبنات هوناك و لا إنتا ما بهمك يتحرشوا ببنتك و جاي تنتقد الحكومة؟؟؟؟
يا أنسان (لأنوا مش قادر أحكي يا زلمة) صلح حالك و أهل بيتك في البداية و بعدين صلح المجتمع و العالم.....

محمد السليطي | 05/07/2009, 11:08 [ الرد ]

بنتي شأن فردي يا زلمة، وما اخذت من جيبك حتى تحضر الحفلة، والتحرش بتم وين مكان مو بس بحلفة.
اما حكومة توخد من اموال الناس والبلد ملانة مشاكل فهذا هو الامر الذي تجب مناقشته، بس شو العمل اذا كل الناس بهاي البلد صاروا وعاظ ومرشدين... بدقوا في المسائل الفردية وبنسوا الامور الاساسية.

محمد عمر | 05/07/2009, 11:15 [ الرد ]

أو بالأحرى ممكن تحكي عاملين متل هاناس الي مش ئادرين عالحمار فمسكوا ببردعته
مهو هادا هو التناقض العربي الي جابلنا الداهيه

ميسم | 05/07/2009, 12:15 [ الرد ]

طبعا التحرشات مش بكل مكان إلا إذا إنتا بدك تقنع حالك إنوا هيك الوضع .... يعني البنات الي بتطلعو على الجامعة أو المدرسة زي البنات الي (على وصفك لابسيين خصر ساحل و ....) بروحوا على حفلة بتبدا الساعة عشرة و ما بتخلص قبل نص الليل و ين مع شباب الله أعلم من وين جايين أو شو شاربين أو شو ناويين؟؟؟؟
أنا مش ضد أنوا الواحد ينتقد الغلط في المجتمع و الحكومة و البلد لانوا يمكن يساعد على تحسين الوضع و عشان هيك أنا كتير بدخل و بقراء شو بتكتب بس بنفس الوقت الواحد لازم يحاول يصلح جوا بيته و برا بيته جو شغله و بره شغله يعني بكل مكان بس مش الواحد بنتقد الإشي و بنفس الوقت بيبعت بنته أو أبنه أو هو نفسه على المكان الي بنتقده هاي قمة الغلط.....

محمد السليطي | 05/07/2009, 15:04 [ الرد ]

نيالها ميسو بهيك اب ديمقراطي

Ahlam | 05/07/2009, 11:19 [ الرد ]

عندما كنا مراهقين ألم نكن نرقص ونطبل لشادية وجورجيت صايغ وأغنية مريم مريمتي؟ كل جيل له هوسه ولكن المشكلة الحقيقية كما ذكرت هي في استنزاف خزينة الدولة من أجل مجموعة همل تحت مسمى مهرجان الأردن.

باتر وردم | 05/07/2009, 12:27 [ الرد ]

شادية و جورجيت صايغ؟؟؟ هاظ إنت ختيار في الستين و نا مش عارف ؛-)!!!

الحق المر | 06/07/2009, 06:49 [ الرد ]

أنا ختيار في الأربعين ولكنني أذكر أننا كنا نستمع للأغاني اللبنانية القديمة بمنتهى الشغف مثل جورجيت صايغ وملحم بركات وعازار حبيب أما شادية فهي كانت نموذج الدلع للمراهقين في تلك الفترة، واعتقد أن اغنية مثل "سونة يا سنسن" ليست أقل سطحية من أغاني هيفاء وهبي حاليا.

باتر وردم | 06/07/2009, 08:49 [ الرد ]

له له يا استاذ باتر ..
اعترض على التعميم ، محمد منير ومكادي نحاس مو همل وشخصيا ازا سمحلي الوقت رح اروح احضرهم خصوصا تذكرة هالفنانين الملتزمين مع بعض لا تتعدى العشر دنانير !

خلود | 06/07/2009, 07:37 [ الرد ]

صحيح أنا لم أكن أعرف أن مكادي تشارك في المهرجان وهذا يعني بالطبع عدم التعميم أمام محمد منير فلم يقدم جديدا منذ عدة سنوات.

باتر وردم | 06/07/2009, 08:46 [ الرد ]

والله هو فاشل و انا الصراحة بكره فكرته و لكنني اعول على غباء الحكومة في ترخيص ما أحب من حفلات. انا بستنى حفلة بشار زرقان اذا كانت باقل من خمسة بدفع و بحضر اذا اكثر بدي اعمل داون لوود الو من النت و اسمع ببيت اهلي

وانا كمان | 05/07/2009, 13:06 [ الرد ]

هاي *دادي*
والله عنجد نيالي فيك يا بابا...يا عمو محمد لو انت فعلا كنت بالحفلة وشفت بعيونك يبئا بحقلك تحكي انو صار تحرش اما ازا ما كنت وحدا قلك يبئى مية بالمية ما بحقلك تحكي وانا كنت بالحفلة وماشفت تحرش وتامر كان كتير حلو والجمهور اتفاعل معو حتى اختي روحت بتئلي انا حبيتو لهادا المغني, والحراس فصلو الشباب عن البنات خلال الحفل *منعنا لتحرش* ومع هيك لو البنت بنفسها بتئبل حدا يتحرش فيها تبئى الأصول بترابية الأهل وانا الحمد الله أهلي عرفو كيف يربوني....!
وكمان لو بابا ما وافئ ع أني اروح كنت اكيد رح احكي عنو أب متخلف وكنت اكيد رح أضلني انئ واعصب لحتى يقبل اني اروح بس بابا أب حضاري وديمقراطي ومتفهم عمري عشان هيك خلاني اروح...........!
واكيد يا عمو باتر كل جيل الو هوسه...!
SO THANKS DADY لأنك فهمت عمري وعرفت انا مين بحب و شو بحب عنجد انا بنحسد عليك........!
وأسفة اذا غلطت بكلمة بحقكك يا عمو محمد..........!

ميسو | 05/07/2009, 14:57 [ الرد ]

أولاً إذا كان هادا الإشي بتحبه فأنا و كل الناس لازم تحترم هادا الإشي...
بس مش دايما لازم الأب يمشي مع أولاده على كل إشي و بكره إنشاء الله لما تكبري حتعرفي شو بحكي لانوا الصح و الغلط دايما بختلف من عمر لعمر يعني و إنتي صغيرة بتشوفي أشياء كتيرة صح و بدك إياها و بس تكبري بتكتشفي أنوا معظم الأشياء الي كنت تشوفيها صح صرتي تشوفيها غلظ و هون دور الأب و الأم يوجهوكي على الصح بخبرتهم في الحياة و تجاربهم.
أنا ما روحت على الحفل و لا بعرف حتى حدا راح عليه بس قرأت على النت أنوا الوضع ما كان مزبوط
http://www.khaberni.com/home.asp?mode=more&NewsID=17635&CatID=1

محمد السليطي | 05/07/2009, 15:17 [ الرد ]

على صعيد آخر .. مهرجانات أخرى أجدها أفضل تنظيما و مضمونا تقام هذه الأيام أيضا مثل مهرجان موسيقى البلد .
بس أنا يعني نفسي أحضر السيدة ماجدة الرومي او فيروز أو مارسيل...فكرك بيجو عمهرجان الأردن أو غيره ؟ على الأقل جرش كان إلو إسم .. أي والله إني زعلان عالموسيقى تبعت الدعاية تبعتو ...(...فرقة العائلة الدولية...تترلم تترلم...)

Naser | 05/07/2009, 18:04 [ الرد ]

يا محلى شوفة ال(سكاوت) و عليه رشاش الخمسميه بعيد المغرب على احر كوربه قبل النزول الاخير عجرش من طريق اربد القديمه. و شعر بنات الاشرز الاسود الفاحم الكيرلي. ونسمات الهوا على المدرج الجنوبي خلال و على بابي وائف قمررررييين. و صوت السيلون تبعين باك روجرز عندما نجرب استنشاق غاز الهيليوم من البلالين. و نضرة الخجل على محيا الملك حسين لتأبط زوجته ذراعه في الساحه الرئيسيه بال84

حسين كنوش | 05/07/2009, 19:12 [ الرد ]

على حد علمى أن مهرجان الاردن يبدأ ب 7-7 و أن الحفل المذكور ليس ضمن فعاليته و لا دخل للحكومة به فهو من تنظيم القطاع الخاص ...

تحياتي للجميع

اياد | 05/07/2009, 22:55 [ الرد ]

انا كنت بالحفلة ما صار تحرش ولا اشي وكل اللي بالحفلة ولاد عالم و ناس ازا تكرمتو اللي ما شاف شي ما يحكي لانو كل واحد عندو عرض
بعدين التحرش بكل مكان يعني هلا ما في تحرش الا بحفلة تامر حسني ؟شو هاد؟

حمودة | 06/07/2009, 00:17 [ الرد ]

يعطيك العافيـة أيهـا الأب (المهـادن) و ليس الديمقراطي !!
كان خاطري أشوفك و إنت عم بتطلع الـ 25 دينار قيمة التذكرة ، و أنت "صاغر الخد " ! كلنـا في (المهادنة) سوا يا أبو عمر .. و لا تعتب ..
سيدي على ذكر المهرجانات ، لا زلت أحتفظ بذكريات جميلة عن مهرجان جرش و خاصة في بداياته ، كان "ثيمة" خاصة بين المهرجانات العربية و له تقديره في أعين الجميع من جمهور و حضور و ضيوف و فنانين ..
أتذكر جيدا حفل مارسيل خليفة في يوليو عام 91 و كان أول حفل له في الأردن (بعد رفع الحظر الغير مرئي عنه) و تواكبت حفلته مع أجواء الإنفراجة الديمقراطية و الحريات أواخر عقد الثمانينات ، و لم يكن قد مرّ على (إنكسار) العراق في العدوان الثلاثيني إلا أشهر بسيطة .. كان الحفل واحدا من أجمل الأحلام التي حققها مهرجان جرش لي - شخصيا - أن أتواجد في حضرة البهـاء و الإلتزام المارسيلي بعدما كانت أشرطته تتداول سرا في محلات شارع الجامعة في إربد ، و كان شراءهـا مغامرة بحد ذاتهـا ..

دمت أبا عمر لبناتك و لأسرتك المحبة ..

فـاخــر النـحـال | 06/07/2009, 08:08 [ الرد ]

صباح الخير جميعا سؤال صغير ما علاقه وزارة الثقافة بمهرجان يستضيف تامر حسني احدي منتوجات العهر المصري اللبناني باموال خليجية كما اسلفت؟لمادا لاتصرف اموال دافعي الضرائب في محلها

شخص | 06/07/2009, 10:16 [ الرد ]

سلامات يا أبو عمر، هو مش أب ديمقراطي وبس وصديق جدا ديمقراطي ويمكن يكون الوحيد اللي من الممكن إني أخبره عن أشياء ما بخبرها لباقي أصدقائي، وبراهنك يا صديقي أبو عمر إنه لو فكرنا شي قعدة نسمع لتامر حسني اللي بكرهه بصراحة ابو بنطلون مسحول يمكن نرقص على هبله شوي وننسى شي اسمه كان في الماضي مهرجان جرش، الموضوع ذكرني بقناني المية المعبية بمية بس من نوع تاني، الله يسهل عليك يا سنان وعلى فعايلك .. سلاماتي

محمد غنيم | 06/07/2009, 15:31 [ الرد ]

شكرا لك لانك اشرت الى قضية مهمة و هي ان الحفلة عقدت على ارض جامعة يا عيب
بس الشباب لازم ينبسطوا في و المعروف في الاردن الكل بيدو يتفشخر انه حضر الحفله لانه شباب فاضيه و مخها فاضي بس لو سالناهم عن اسم كتاب ما راح يعرفوا
يلا بعيين لله على قول الختياره
مع اني شب و لا بحب احضر شي من حفلات المغنين بس في ناس عندهم هوايه و خاصة المراهقين
الحق على مين يا عزيز الكاتب ؟
لو مهرجان ثقافي ايضا و ما فيه تامر راح شباب يحضروا اذا عرفوا كيف راح يذبهن
الى اللقاء

ابو النكد | 06/07/2009, 22:17 [ الرد ]

هذا الوزير صبيري اربيحات تحمل وزر اخطاء السيدتين الوزيرتين مها الخطيب و نانسي باكير عندما صرفتا 35 مليونا للمهرجان الحكومة الرشيدة اكتشفت الخازووف المدوبل فقررت تسليم المهرجان للوزارة الثقافة وبيد رجل صارف في المصاريف فاصبحت ميزانية المهرجان 3 ملايين فقط صبري اكتشف انه الخازوق رح يوكله هو لانه مطالب بتحضير مهرجان ناجح بمبلغ قليل فصار يقاقي ما يلاقي عصب وغضب وضرب المخرج وبلش ينرفز, لكن الاهم هو استمرار المقاطعة الشعبية للمهرجان والاعلامية ايضا مما اضطر رئيس الوزراء الى الطلب من المؤسسات الاعلامية دعم المهرجان

هكتور الشخابطة | 07/07/2009, 13:26 [ الرد ]

للأسف محمد..المهرجان الفني الثقافي بالمعنى الحقيقي، يفتقده الاردن..وهذا أمر مسؤول عنه الجميع ويتحمله الجميع..الجهات والأفراد..لكن قد نعول على الحفلات البديلة التي تقام هنا وهناك من مسرح البلد والمراكز الثقافية التابعة للدول الاوروبية..أما بخصوص ابنتك..فالقارئ يخلط بين المدونة التي هي شان خاص بك وبين الموقع الإخباري...برأيي لا تنشر الآراء المتطرفة لأنها سيئة ولا تحتاج إلى أدنى اهتمام...شكرا على هذه المدونة الجميلة بكل معنى الكلمة.

محمد | 10/07/2009, 11:56 [ الرد ]

هنعمل ايه يعني

العاب فلاش | 12/07/2009, 03:02 [ الرد ]

انا كنت بالحفله وتامر كان منور الحفله وانا بمووووووووت في تامر بحبو وبعشقو لتامر

لولو | 16/07/2009, 05:09 [ الرد ]

اه عنجد نيالك بهيك اب ميسو الله يخليلك اياة انا كان نفسي اروح على الحفلة.

بنان | 23/07/2009, 20:42 [ الرد ]

يا جماعة انتبهوا انو هناك لسة فنانين محترمين يحترمون فنهم وجمهورهم مثل محمد منير نفاخر به جدا لأنه حقا مميز جدا في كل شي وياريت نبطل سخافة وتامر حسني وبناطيل ساحلة ..نحن ننتمي الى ثقافة عربية اصيلة ولا يجب ان نلوثها بأمثال تامر..وكل التحية لملك الغناء العربي والعالمي محمد منير

مهند | 03/08/2009, 21:44 [ الرد ]